Two Heroes

Major K P Vinay and Major Dinesh Raghuraman. May we never forget your sacrifice. And the sacrifice of many others like you.

Pradeep's immortal song is apt for the occasion...

Ae mere watan ke logon
Tum khoob lagaa lo nara
Ye shubh din hai hum sab ka
Lahra lo tiranga pyaara
Par mat bhoolo seema par
Veeron ne hai praan ganvaye
Kuchh yaad unhen bhi kar lo
Kuchh yaad unhen bhi kar lo

Ae mere watan ke logon
Zaraa aankh mein bhar lo paani
Jo shaheed hue hain unki
Zaraa yaad karo qurbani

Jab ghaayal hua Himaalay
Khatre mein padi azadi
Jab tak thi saans lade wo
Phir apni laash bichhaa di
Sangeen pe dhar ka matha
So gaye amar balidani
Jo shaheed...

Jab desh mein thi Diwali
Wo khel rahe the Holi
Jab hum baite the gharon mein
Wo jhel rahe the goli
The dhanya jawaan wo apne
Thi dhanya wo unki jawaani
Jo shaheed...

Koi Sikh koi Jat Maratha
Koi Gurkha koi Madrasi
Sarhad pe marnewala
Har veer tha Bharatvasi
Jo khoon gira parvat par
Wo khoon tha Hindustani
Jo shaheed...

Thi khoon se lathpath kaya
Phir bhi bandook uthake
Das-das ko ek ne mara
Phir gir gaye hosh ganvaa ke
Jab ant-samay aya to
Kah gaye ke ab marte hain
Khush rahnaa desh ke pyaaron
Ab hum to safar karte hain
Kya log the wo deewane
Kya log the wo abhimani
Jo shaheed...

Tum bhool na jao unko
Is liye kahi ye kahaani
Jo shaheed...

Jai Hind! Jai Hind ki sena!
Jai Hind! Jai Hind ki sena!
Jai Hind! Jai Hind! Jai Hind!